By Sea24taas 
Chhatrapati Shivaji Maharaj Terminus CSMT : मध्य रेल्वेने (Central Railway) सात बॅगेज स्कॅनर आणि १४२ बॉडी स्कॅनर यासाठी निविदा जारी केली आहे. पुढील १८ महिन्यांत या मशीन सुरू होणार असल्याची माहिती मध्य रेल्वेने दिली.
मुंबईच्या सीएसएमटी रेल्वे स्थानकात ‘२६/११’च्या हल्ल्यानंतर तेथील सुरक्षेचा प्रश्न ऐरणीवर आला होता. तेव्हापासून उपनगरी आणि मेल-एक्स्प्रेसच्या रेल्वे स्थानकांवरील सुरक्षा व्यवस्था चोख ठेवण्याचा निर्णय रेल्वे प्रशासनाने घेतला.
Latest Mumbai News: देशातील सर्वात
गजबजलेल्या रेल्वे स्थानकांपैकी एक असलेल्या छत्रपती शिवाजी महाराज टर्मिनस (Chhatrapati Shivaji Maharaj Terminus CSMT) येथे लवकरच अत्याधुनिक स्कॅनिंग मशीन (Scanning Machine) बसवण्यात येणार आहे. दररोज साडेअकरा लाखांहून अधिक प्रवासी या स्थानकातून प्रवास करतात. त्यामुळे सुरक्षेच्या दृष्टीने हे पाऊल महत्त्वाचे ठरणार आहे.
मध्य रेल्वेने (Central Railway) सात बॅगेज स्कॅनर आणि १४२ बॉडी स्कॅनर यासाठी निविदा जारी केली आहे. पुढील १८ महिन्यांत या मशीन सुरू होणार असल्याची माहिती मध्य रेल्वेने दिली. सीएसएमटी रेल्वे स्थानक हे नेहमीच गर्दीने गजबजलेले असते. लांब पल्ल्यांच्या मेल-एक्स्प्रेस गाड्यांसाठी हे महत्त्वाचे टर्मिनल आहे.
मुंबईच्या सीएसएमटी रेल्वे स्थानकात ‘२६/११’च्या हल्ल्यानंतर तेथील सुरक्षेचा प्रश्न ऐरणीवर आला होता. तेव्हापासून उपनगरी आणि मेल-एक्स्प्रेसच्या रेल्वे स्थानकांवरील सुरक्षा व्यवस्था चोख ठेवण्याचा निर्णय रेल्वे प्रशासनाने घेतला. आता मध्य रेल्वेच्या सीएसएमटीची सुरक्षा आणखी भक्कम होणार आहे
धोकादायक ३२ वस्तू ओळखणार !
नव्या हायटेक लगेज स्कॅनिंग मशीन ३२ प्रकारच्या धोकादायक वस्तू ओळखण्यास सक्षम असतील. लांब पल्ल्याच्या गाड्यांमध्ये प्रवास करणारे हजारो प्रवासी मोठ्या प्रमाणात सामान घेऊन जातात. या सामानात स्फोटके, शस्त्रास्त्रे आणि इतर धोकादायक पदार्थ असण्याची शक्यता असल्याने सुरक्षेसाठी या मशीन महत्त्वाच्या ठरणार आहेत.
सीएसएमटी स्थानकाच्या सुरक्षेत मोठा बदल
सीएसएमटी स्थानकावर १०२ हून अधिक प्रवेशद्वार असल्याने प्रवाशांच्या हालचालींवर पूर्णपणे नियंत्रण ठेवणे आव्हानात्मक आहे. या हायटेक स्कॅनिंग मशीनच्या मदतीने प्रत्येक प्रवासी आणि त्यांच्या साहित्यावर काटेकोर नजर ठेवता येणार आहे.
नवीन मशीनचा तपशील
• बॉडी स्कॅनर : १४२
• बॅगेज स्कॅनर : ७
सीएसएमटी रेल्वेची वाहतूक
• दररोज सीएसएमटीवर ये-जा करणारे प्रवासी : ११.५ लाख
• एक्स्प्रेस गाड्या : १२० (अप-डाऊन)
• लोकल गाड्या : १२००
• मध्य रेल्वेवरील लोकल : १८१०