By Sea24taas 
Karad Drug Sale : ओगलेवाडी परिसरातून सुमारे ५० हजारांचे १० ग्रॅमचे ड्रग्ज जप्त केले. दुसऱ्या कारवाईत पोलिसांनी येथील मुजावर कॉलनी परिसरातून गांजा जप्त केला. दोन्ही कारवाईप्रकरणी पाच जणांना ताब्यात घेतले आहे.g
कऱ्हाड : सांगली जिल्हा पोलिसांनी पंधरा दिवसांपूर्वी एमडी ड्रग्जच्या कारखान्यावर छापा टाकून तब्बल ३० कोटी रुपयांचे ड्रग्ज आणि अमली पदार्थ तयार करण्याचे साहित्य जप्त केले. त्यानंतर शहर आणि परिसरातही गांजाची विक्री होत असल्याच्या चर्चांना जोर आला. या पार्श्वभूमीवर पोलिस अधीक्षक समीर शेख आणि अतिरिक्त पोलिस अधीक्षक वैशाली कडूकर यांनी पोलिस उपअधीक्षक अमोल ठाकूर यांना शहर व तालुक्यातील ड्रग्ज आणि गांजा विक्री करणाऱ्यांविरोधात कठोर कारवाई करण्याचे निर्देश दिले. या आदेशानुसार ठाकूर यांनी वेगवेगळी पोलिस पथके तयार केली. ओगलेवाडी परिसरात एमडी ड्रग्जची विक्री होत असल्याची गुप्त माहिती मिळाल्यावर पोलिसांनी तेथे सापळा रचला आणि छापा टाकून तिघांना रंगेहाथ पकडले. या आरोपींकडून ५० हजार रुपये किमतीचे १० ग्रॅम एमडी ड्रग्ज हस्तगत करण्यात आले. तिघांपैकी एक आरोपी हा आधीच रेकॉर्डवरील गुन्हेगार असल्याचे समोर आले आहे
शहरासह परिसरात ड्रग्ज व गांजांची विक्री
करणाऱ्यांवर पोलिस उपअधीक्षक कार्यालयाच्या पथकाने आज सकाळी कारवाई केली. त्यात ओगलेवाडी परिसरातून सुमारे ५० हजारांचे १० ग्रॅमचे ड्रग्ज जप्त केले. दुसऱ्या कारवाईत पोलिसांनी येथील मुजावर कॉलनी परिसरातून गांजा जप्त केला. या दोन्ही कारवाईप्रकरणी पाच जणांना ताब्यात घेण्यात आल्याचे पोलिसांनी सांगितले.
मुजावर कॉलनी परिसरात गांजाची विक्री होत असल्याची माहिती पोलिसांना मिळाली. त्यानुसार पोलिसांनी तेथे छापा टाकून गांजा जप्त केला. या कारवाईत मुजावर कॉलनी आणि बुधवार पेठ येथील एका व्यक्तीस ताब्यात घेण्यात आले. दोन्ही घटनांमध्ये एकूण पाच जणांना पोलिसांनी अटक केली असून, या प्रकरणात आणखी काही संशयितांचा शोध सुरू आहे.
पोलिस पथक मुंबईकडे रवाना ?
ड्रग्जप्रकरणी ताब्यात घेतलेल्या संशयितांकडून काही माहिती पोलिसांना मिळाली आहे. त्याच्या आधारे पोलिसांचे एक पथक तपासासाठी मुंबईला रवाना झाले आहे. कऱ्हाडला येणारे ड्रग्ज हे मुंबईतून येत असल्याची माहिती मिळाल्यानंतर पोलिसांचे पथक मुंबईकडे रवाना झाल्याने या ड्रग्ज प्रकरणाची व्याप्ती वाढणार असल्याचे दिसत आहे.
अधिक माहितीसाठी सकाळ वर क्लिक करा.