By Sea24taas 
Rajat Consumed Poison: रजतने रस्ते अपघातात
भारतीय क्रिकेटपटू ऋषभ पंतचा जीव वाचवला होता. प्रेमात अपयश आल्यानंतर त्याने आता प्रेयसीसोबत विषप्राशन केले आहे. यामुळे खळबळ उडाली आहे.
प्रसिद्ध भारतीय क्रिकेटपटू ऋषभ पंतचा ३० डिसेंबर २०२२ रोजी अपघात झाला. त्यावेळी रजत नावाच्या तरुणाने ऋषभ पंतचा जीव वाचवला होता. पण आता त्याच रजतने त्याच्या मैत्रिणीसोबत विष प्राशन केले. विषामुळे प्रेयसीचा मृत्यू झाला. तर, रजत जीवनाची लढाई लढत आहे. या घटनेने हळहळ व्यक्त करण्यात येत आहे.
मिळालेल्या माहितीनुसार, रजत हा मुझफ्फरनगरमधील शकरपूर येथील मजरा बुच्चा बस्तीचा रहिवासी आहे. मुलीच्या कुटुंबीयांचा आरोप आहे की, दोन दिवसांपूर्वी रजतने त्यांच्या मुलीला आमिष दाखवून सोबत नेले. त्यानंतर त्याने त्याला विषारी पदार्थ खायला दिले. मुलीती आई कमलेश यांनी रजत आणि इतरांविरुद्ध पोलीस ठाण्यात तक्रार दाखल केली आहे. पण सध्या रजतची प्रकृती गंभीर आहे. तो शुद्धीवर आल्यानंतर पोलीस त्याचे बयान नोंदवतील.
ऋषभ पंतचा जीव वाचवणारा रजत गेल्या पाच वर्षांपासून मनू नावाच्या २१ वर्षीय मुलीसोबत प्रेमसंबंधात होता. कुटुंबातील सदस्यांना हे नाते मान्य नव्हते. दोघांच्याही कुटुंबियांनी लग्नाला नकार दिला होता. दोघांच्याही कुटुंबियांनी त्यांचे लग्न दुसऱ्या ठिकाणी ठरवले होते. यामुळे दुःखी होऊन, प्रेमी युगुलाने ९ फेब्रुवारी रोजी संध्याकाळी शेतात विष प्राशन केले.
दोघेही शेतात बेशुद्ध पडले असल्याची माहिती मिळताच त्यांच्या कुटुंबीयांनी घटनास्थळी पोहोचून त्यांना उत्तराखंडमधील झाब्रेडा येथील नर्सिंग होममध्ये दाखल केले. मंगळवारी उपचारादरम्यान मुलीचा मृत्यू झाला. रजतवर अजूनही उपचार सुरू आहेत. ३० डिसेंबर २०२२ रोजी जेव्हा त्याची मर्सिडीज कार डिव्हायडरला धडकली तेव्हा रजत क्रिकेटपटू ऋषभ पंतसाठी देवदूत बनून आला. ऋषभ गाडीने रुरकीला जात होता. तेव्हाच तो अपघाताचा बळी ठरला.त्यानंतर रजत ऋषभला रुग्णालयात घेऊन गेला. अपघातात जखमी झालेला ऋषभ पंत अनेक महिन्यांच्या उपचारानंतर बरा झाला आणि क्रिकेटच्या मैदानावर परतला. त्याच वेळी, ऋषभ पंतने रजत आणि दुसऱ्या मदतनीसाचे आभार मानले. त्यांना स्कूटर भेट देऊन त्याचे आभार मानले. ऋषभ पंतकडून भेट म्हणून स्कूटी मिळाल्यानंतर रजत प्रसिद्धीच्या झोतात आला. रजत इतके धोकादायक पाऊल उचलेल याची कोणालाही कल्पना नव्हती. आज रजत जीवन आणि मृत्यूची लढाई लढत आहे.