By Sea24taas 
Satara : युगपुरुष छत्रपती शिवाजी महाराज यांचा कर्तृत्व वारसा अतुलनीय आहे. संपूर्ण राष्ट्रासाठी चिरंतन प्रेरणास्रोत असलेल्या छत्रपती शिवाजी महाराज यांच्या कार्यकर्तृत्वाच्या उंचीची तुलना होऊ शकत नाही.
साSatara:छत्रपती शिवाजी महाराज यांचे नवी दिल्ली येथे राष्ट्रीय स्मारक उभारावे, ऐतिहासिक चित्रीकरणाचे सिनेमॅटिक लिबर्टीचे नियमन करण्यासाठी समिती स्थापन करावी, छत्रपती शिवाजी महाराज यांचा इतिहास शासनाने प्रकाशित करावा आदी मागण्या खासदार उदयनराजे भोसले यांनी आज गृहमंत्री अमित शहा यांच्याकडे केल्या.युगपुरुष छत्रपती शिवाजी महाराज आणि एकंदरीत सर्वच महापुरुषांच्या अवमानाबाबत कडक शासन करणारा कायदा पारित करावा
खासदार उदयनराजे भोसले यांनी नवी दिल्लीत गृहमंत्री अमित शहा यांची भेट घेतली. या भेटीत त्यांनी विविध मागण्यांचे निवेदन सादर केले. निवेदनात उदयनराजे यांनी नमूद केले आहे की, युगपुरुष छत्रपती शिवाजी महाराज यांचा कर्तृत्व वारसा अतुलनीय आहे आणि ते संपूर्ण राष्ट्रासाठी चिरंतन प्रेरणास्रोत आहेत. त्यांच्या कार्यकर्तृत्वाची कोणाशीही तुलना होऊ शकत नाही. मात्र, सध्या त्यांच्या जीवनचरित्रावर अवमानकारक टिपण्या करून शिवप्रेमींच्या भावना दुखावल्या जात आहेत, ज्याबद्दल सर्व स्तरांतून खेद व्यक्त केला जात आहे.
म्हणूनच छत्रपती शिवाजी महाराज आणि एकंदरीत सर्वच महापुरुषांबाबत जाणुनबुजून खोडसाळपणाने अवमानकारक शेरेबाजी आणि टिपण्यांवर तातडीने कायदेशीर कारवाई होण्यासाठी कठोर कायदा लोकसभेत पारित करावा. त्याचप्रमाणे छत्रपती शिवाजी महाराज यांचे जीवनकार्य आणि स्वराज्य निर्मितीचे योगदान जागतिक स्तरावर नेण्यासाठी, भावी पिढ्यांना प्रेरणा मिळण्यासाठी त्यांचे नवी दिल्ली येथे राष्ट्रीय स्मारक उभारावे. छत्रपती शिवाजी महाराज यांच्या इतिहासावर राष्ट्रीय समिती स्थापन करणे आवश्यक आहे, तसेच त्यांच्याशी संबंधित अप्रकाशित, दस्तावेज, चित्रे, शस्त्रास्त्रे आणि इतर ऐतिहासिक नोंदी एकत्रित संशोधित आणि संकलित करण्यात याव्यात. याव्यतिरिक्त छत्रपती शिवाजी महाराज यांच्याशी संबंधित महत्त्वाच्या ऐतिहासिक कलाकृती 10 कागदपत्रे आणि चित्रे विविध आंतरराष्ट्रीय संग्रहालया भारतात परत आणण्यासाठी तातडीने पावले उचलावीत, तसेच ऐतिहासिक चित्रीकरण करताना, सिनेमॅटिक लिबर्टीचे नियमन करण्यासाठी समितीची स्थापना करण्यात यावी.